ИСТОРИЯ РОССИИ
Мультимедиа-учебник
Главная Новости О нас Статьи Форум Анекдоты
Russian History  
Вы находитесь: Главная arrow Статьи arrow Документы по истории России до XVIII в. arrow Невская битва и Ледовое побоище (по "Симеоновской летописи") (XIII в.)
 
История России: XX век
Пользователь

Пароль

Запомнить меня
    Забыли пароль?
Вы не зарегистрированы. Регистрация
История России: XIX век

Rambler's Top100

Невская битва и Ледовое побоище (по "Симеоновской летописи") (XIII в.)
Список статей
Невская битва и Ледовое побоище (по "Симеоновской летописи") (XIII в.)
Страница 2

НЕВСКАЯ БИТВА

Слышав король чясти Римскиа от полунощныа страны такое мужество великаго князя Александра Ярославичя, и помысли в себе победита его, или руками яти, и Великий Новъгород поплеяити, и вся грады их, и люди Словенскиа к собе в работу сътворити, и рече: «Иду и попленю землю всю Александрову». И събра силу велику, местери и бискупи свои, и Свея, и Мурмани, и Сумь, и Емь, и наполни корабли многы зело полков своих, и подвижеся в силе велице, пыхая духом ратным, и прииде в реку Неву и ста устъ Ижеры, шатаася безумием своим, хотя въсприати Ладогу, прочее же реку, и Новъгород, и всю область Новгородскую…

Прииде бо весть тогда, яко Свеи идуть к Ладозе, а в то же время присла король послы разгордевся к великому князю Александру Ярославичю в Новъгород, а рка так: «аще можеши противити ми ся, то се есмь зде уже и пленю землю твою».

Великии же князь Александр Ярославичь, слышав словеса их, и разгореся сердцем, и вниде в церковь святыа Софея и паде на колену пред олтарем, и нача молитися Богу с слезами…

И поиде на них в ярости мужьства вои своих не со многою дружиною, не бе бо когда съждати многых вои с силою великою, но уповая на святую Троицу. Отець же его, великии князь Ярослав Всеволодичь не бе ведел таковаго въстаниа на сына своего Александра, ни оному бысть когда послати вести к отцу, уже бо приближишася ратнии. Тем же и мнози Новгородци не съвокупишася, понеже ускори великии князь Александр поити противу ратных, и прииде на ня в неделю … И бысть сеча велика над Римляны, изби множество много ленное Римлян и самому королю възложи печять на лице острым мечем.

 

О Ш[ес]ТИ МУЖЕХ ХРАБРЫХ

Зде же явишаея в полку великаго князя Александра 6 мужеи храбрых, же с ним крепко мужествоваху. Первыи Гавриило Олексичь. Сии бо наеха на шнекуи и виде королевича, мчяща под рукы, и вьзъехав по дсце до самого корабля, по не же схожаху, и втекоша в корабль перед ним, и пакы обратившеся свергоша его с доскы и с конем в море. Божиим же застушвением оттуду изыде неврежен, и пакы наехав бися крепко с самим воеводою посреде полку их, и ту убьен бысть воевода их Спиридон, и бискуп их убьен бысть ту же. Вторым же Новогородець, именем Збыслав Якуновичь. Сии же наеждая многажды, бьяшется единем топором, не имея страха в сердци, и неколко от рукы его паде и подивишася силе его и храбрости. Третии же Яков Полочянин, бе ловчии у князя. Сии наехав на полк с мечем и мужьствовав крепко, и похвали его великии князь. Четвертыи же Новогородець, именем Миша. Сии же пешь с дружиною своею натече и погуби Римлян 3 корабли. Пятыи же от молодых его некто, именем Сава, Сии же наехав великии шатер златоверхыи, подсече столп ему; шатер же падеся, и полци Александрови, видевше падение шатра того, вьзрадовашася. Шестьга же от слуг его, именем Ратмир. Сии бися пешь и оступиша его мнози Римляне; он же от многых ран паде и тако скончася. Сии же вся слышиах от господина своего велакаго князя Александра и от иных, иже то время обретошаея в тои сечи…

Остаток же их побеже посрамлени, а трупиа мертвых своих великих воевод наметаша три корабли и потопишася с ними на мори, а прочим яскопаша ямы и вметаша их в ня безчислено; а инии мнози язвени быша и тои нощи побегоша. Новогородцев же ту паде: Костянтин Луготиничь, Юрята Пинящиничь, Намест Дрочило, Нездилов сын Кожевничь, а всех 20 мужеи паде и с Ладожаны. Великии же князь Александр Ярославичь възвратяся с великою победою и прииде в Новъгород…

 

О НЕМЦАХ И ПСКОВИЧЕХ

Того же лета взята Немци Медвежане, Юрьевци, Вельядци с князем Ярославом Володимеричем город Избореск. И прииде весть в Псков, яко взяша Немцы Избореск, и выиде противу им весь град, и сътвориша с ними брань, и бишася с ними крепко, и бысть сечя межи ими велика. Ту же убиша Гаврила Гориславичя воеводу, и погониша Псковичь, и много их гонячи били, а иных руками яша, и пригонивше под город зажгоша посад весь, и много зла бысть, погореша бо и церкви многы и святыя иконы в них и вся руга церковная; и села пусты сътвориша около Пскова, стояша же под городом неделю, но города не взяша и, полон мног вземше, отьидоша. И тако беша без мира. Бяху бо перевет держаще с Немци Псковичи, подвел их Твердило Ивановичь с инеми, и сам поча владети Псковом с Немцами, воюя села Новгородцкая, и инии Пскчвичи вбегоша в Новгород и з женами и з детми.

Тое же зимы пакы придоша от западные страны Немцы и Чюдь на Водь и повоеваша все, и дань на них възложиша, и срубиша город в Копорьи в погосте, в отчьстве великого князя Александра. Но не то бысть зло, но и Тесово взяша и гонишася за 30 верст до Новгорода, гость бьючи, и семо и до Лугы, и до Сабля. А великии князь Александр отъеха тогда в землю Суздальскую, в Переяславль град, с материю и с княгинею и с двором своим, распревъся с Новогородци. Новогородци же с челобитьем послаша к_ великому князю Ярославу Всеволодичю, просяще у него сына себе и вдасть им сына своего князя Андрея. Новогородци же здумавше и послаша владыку Спиридона с бояры опять к великому князю с челобитьем, просяще собе сына его великого князя Александра. А в то время на волость на Новогородскую наидоша Литва, Немци и Чюдь, и поимаша по Лугы кони все и скот, не на чем бе и орати по селом. Князь же великии Ярослав, приим моление владычне и Новогородцев челобитие, и вдасть им опять : сына своего Александра.

В лето 6750 прииде великии князь Александр Ярославичь в Новъгород и изыде въскоре с Нобогородци и с Ладожаны, и с Корелою и с Ижеряны на град Копорью и изверже град из основания, а самих Немець изби, а иных с собою приведе в Новъгород, а иных пожалова отпусти, бе бо милостив паче меры, а Вожан и Чюдцу переветников извешэ и иде в Переславль. Събраша же ся Немци с сея стороны в зимнее время и приидоша на Псков, и полкы Пскрвскиа победита, и наместников своих посадиша на Пскове. Се же слышав великии князь Александр, и велми оскорбе за кровь христианьскую и не умедьлив нимало, но разгореся духом своим и ревностию по святеи Троици и по святеи Софеи, и поим с собою брата своего Андрея и вся воя своя, и прниде к Новугороду…

 

ЛЕДОВОЕ ПОБОИЩЕ

И поиде с братом Андреем и с Новогородци и с Низовци на Немецкую землю в силе велице, да не хвалятся, рекуще: «укорим Словеньскии язык, нежели себе». Уже бо бяшеть взят град Псков, и тиуни их посаждени в граде. Великии же князь Александр зая все пути до Пскова и изгони град, и изъима Немци и Чюдь и намесники Немецкии, и сковав поточи в Новъгород, а град Псков свободи от плена, а землю Немецкую повоева и пожже, и полона много взя, а иныя изсече. Они же гордии сьвокупишася, рекуще: «поидем на Александра и победивше руками имеи его». И егда же приближишася, тогда почюдившеся стражие великаго князя Александра силе Немецкои и ужасошася… Князь же великии Александр помолився в церкви святыя Троица, и поиде на землю Немецкую, хотя мстити кровь христианьскую. Бе бо зима в то время, и, якоже бысть на земли их, пусти вся полкы своя в зажитиа, а Домашь Твердиславичь и Кербет быша в розгоне; и убиша ту, Домаша, брата посадничя, мужа добра, и иных много избиша с ним, а иных руками яша, а иные прибегоша к великому князю в полкы. Се же слышав местерь изыде противу их с всеми бискупы своими, и с всем множьством языка их, и власти их, что ни есть на сеи стороне, и с помочью королевою; и снидоша на озеро, глаголемое Чюдское. Великии же князь Александр въспятися назад. Немци же и Чюдь поидоша по нем. Князь же великии постави полкы на озере Чюдском на Узмени у Ворониа камени, укрепився силою крестною и ополчився, поиде противу их.

Наступиша же озеро Чюдское; бысть же обоих множество вельми. Бе же ту с Александром и брат его Андреи с множеством вои отца своего и бысть у Александра множество храбрых, сильных и крепкых, и исполнишася вси духа ратнаго, беху же сердца их, акы лвом. Ркоша же: «княже, се ныне приспе время положити главы свои тя»…

Бе же тогда день суботныи, въсходящу солнцу, и съступишася обои полци. И немци и Чюдь пробишася свиньеи сквозе полкы. И бысть ту сеча зла и велика Немцем и Чюди, и бг цруек от копии ломлениа, и звук от мечнаго сечениа, якоже озеру помръзшу двигнутися, и не бе видети леду, покры бо ся кровию. Слышах же и се от самовидца, оьтшаго тогда тамо…

И даша ратнии плещи свои и сечяхуть их гонящи, яко по аеру, и не бе им камо утечи; и биша их на 7 верст по леду, до Суболичскаго берега, и паде Немець 500, а Чюди безчисленное множество, руками яша Немець 50 нарочитых воевод и приведоша я в Новъгород, а инии на озере истопоша, уже бо весна бе, а инии зле язвени отбегоша. Бысть же бои сеи Апреля в 5…



 
Copyright © 2005-2017 Clio Soft. All rights reserved. E-mail: clio@mail.ru T= 0.017675 с. Яндекс.Метрика